السلام عليكم ورحمة الله وبركاته. اوقات كتير بيجي لنا احساس ان احنا عايزين نعطس بس ما بنعرفش. لان العطسة اختفت فجأة. لكن هل يا ترى عمرك سألت نفسك ليه الموضوع ده بيحصل؟
وهل لو حصل ؟ فيه ضرر علينا مثلا ؟ ولا لأ ؟
. بشكل عام كده العطس بيحصل لنا لما بيكون في حاجة جوة مناخيرنا وعاملة تهيج في البطانة الداخلية. الحاجة دي بقى ممكن تبقى تراب توابل عطور دخان حبوب لقاح اي حاجة او طبعا لو فيه فيروسات او مسببات للحساسية داخل الانف زي فيروس الانفلونزا في الحالات دي بيلجأ الجسم للعطس علشان يخلص الانف من الاجسام الغريبة اللي موجودة جواها وينضف الاغشية بتاعتها ناخد نفس عميق والجسم يستعد للانطلاقة اللي هتحصل وهوب يخرج من جسمنا كمية مهولة من الهوا ويخرج كل الاجسام الغريبة. كأن جسمنا يعني بيعمل اعادة ضبط الانف.
الشاهد بقى انه احيانا بيبقى فيه اجسام غريبة فعلا داخل الانف وبتكون فعلا عاملة حساسية او تهيج. لكن كميتها بتبقى قليلة جدا. وليكن زرة غبار واحدة. لما بييجي بقى الجسم يستعد للعطش في الحالة دي. ممكن الشهيق او النفس القوي اللي بناخده قبل ما نعطس يحرك اجسام القليلة دي من مكانها والتهيج اللي كانت مسبباه يختفي. وفي الحالة دي الجسم بيلاقي ايه ان ما فيش داعي اني استكمل عملية العطس. ودا اللي بيخلينا نحس فجأة ان احنا مش عايزين نعطس او ان العطسة راحت.
لان الحاجة اللي كانت محفزة عملية العطس ما بقتش موجودة. اما بقى بخصوص هل الموضوع دا مضر ولا لأ ؟ فطبعا حالات العابرة اللي زي دي ما فيش منها اي ضرر اطلاقا. ظاهرة مألوفة وعادية جدا. لكن في بعض الحالات النادرة الموضوع ده ممكن يتكرر فيها بشكل مستمر. زي ان شخص يبقى بقى له شهر كامل بيحاول ومش عارف يعترض. في الحالة دي بقى ممكن يبقى مؤشر لاحد الحالات المرضية او مؤشر لوجود مشكلة في الجيوب الانفية.ووقتها الشخص محتاج يرجع للدكتورة